ක්‍රිස්තු වර්ෂ 30 අප්‍රේල් මස 07 සිකුරාදා දින ජේසුස් වහන්සේ කුරුසියේ මරණයට පත්වී ඇතැයි ඉතිහාසඥයන් හා බයිබල් විශාරදයන් ඓතිහාසික තොරතුරු හා පුරා විද්‍යාත්මක සාධක විමර්ශනය කිරීමෙන් අනතුරුව සොයා ගෙන ඇත. ඒ අනුව එකල සිටම කිතුනු බැතිමතුන් ජේසුස් වහන්සේගේ මරණය වාර්ෂිකව පිළිවෙතක් ලෙසින් සැමරීම කළහ. එබැවින් ජේසුස් වහන්සේගේ මරණය සිදුවූ දිනය මහ සිකුරාදා යනුවෙන් නම් කෙරුණි. මුල් යුගයේ සිට ම එදින මනස්ස්ථාපනයේ, ශෝකයේ හා දැඩි නිරාහාරශීලයේ දිනයක් ලෙසින් සැලකුණි. එම නිරාහාරය පැය 40 ක් පමණ එනම්, මහ සිකුරාදා සිට ආලේලුයියා සෙනසුරාදා රාත්‍රී දිව්‍ය පුජාවේ අවසානය දක්වා නොකඩවා පැවැත්වුණි. එකල කුඩා දරුවන්, ගැබිණියන්, කිරි දෙන මව්වරුන් හා රෝගීන් හැර අනෙකුත් සියලු දෙනා කිසිඳ
