හැඳින්වීම-
මරණ මංඤ්චකයේ දී යමෙකු ප්‍රකාශ කරන වචන අවංකව ම ඔහුගේ හද
පත්ලෙන් නැගෙන හැඟීම ය. ජේසුස් වහන්සේ ද තුන් පැයකට වඩා වැඩි කාලයක් කුරුසියේ
එල්ලී සිට වරින් වර ප්‍රකාශ කළ වචන කිහිපය සුභාරංචි පොත් සතර තුළ විසිරී ඇත. සෑම
වසරකම මහ සිකුරාදා කතෝලික දේවස්ථාන වල පැවැත්වෙන තුන් පැය ධ්‍යානය නමැති පිළිවෙතේ
දී ජේසුස් වහන්සේ ප්‍රකාශ කළ වාක්‍ය සත භාවනා කරයි. මෙම බ්ලොග් ලිපි මාලාවෙන්
ජේසුස් වහන්සේ කුරුසිය මත සිට දෙසූ එම වාක්‍ය සත පිළිබඳ විමර්ශනය කිරීමට අපේක්ෂා
කෙරේ.
“පියාණෙනි, ඔවුනට කමා වුව මැනව; ඔවුන් කරන දෙය ඔවුහු නොදනිති.” [ලූක් 23 : 34]
රෝම නීතියට අනුව රෝමානු අධිරාජ්‍යයට යටත් ප්‍රදේශ වල
සිටි විදේශික අපරාධකරුවන්ට දුන් ප්‍රධාන මරණීය දණ්ඩනය වූයේ
