හැඳින්වීම
අපෝස්තුළුවරුන්ගේ කාලයේ දී "රොටි කැඩීමේ මෙහෙය" තුළින් ඇරඹී ලතින් රෝමානු පිළිවෙත අනුව හැඩගැසුණු කතෝලික ජනවන්දනාව උමං සොහොන් හා බිම් ගෙවල් ආශ්‍රිතව නොකඩවා පැවැත්වුණි. විවිධ ශුද්ධෝත්තම පියවරුන්ගේ ද, සභා පියවරුන්ගේ හා දේවධර්මවාදීන්ගේ ඉගැන්වීම්, සම්ප්‍රදායයන් හා සංස්කරණයන්ට අනුකූලව එය ක්‍රමයෙන් සැකසුණි. දිව්‍ය පූජා පිළිවෙත කතෝලික බැතිමතුන්ගේ ජීවිත අංගයක් බවට පත් විය. එහෙත් ක්‍රමයෙන් කතෝලික සභාවට නිදහස හා ස්වාධීනත්වය හිමි වී විවිධ ජන සංස්කෘතීන් තුළ ව්‍යාප්තව යන කල රෝමයේ ඇතිවූ විවිධ දේශපාලනික හා සමාජමය වෙනස්කම් හමුවේ ක්‍රමක්‍රමයෙන් ජනවන්දනා පිළිවෙත් වල ඇල්මැරුණු ස්වභාවයක් ඇති විය. මේ පිළිබඳව අවදියෙන් පසුවූ ඇතැම් තාපස හා පැවිදි නිකායන් හි සාමා
