සිග්මන් ප්රොයිඩ් පෙන්වා දෙන ආකාරයට මිනිසා උපතින්ම ස්වභාවික නොහික්මුණු ගති ලක්ෂණ වලින් පිරුණු පුද්ගලයෙක්. ඔහු එම තත්ත්වය හඳුන්වා දුන්නේ "ඉඩ් සංස්කාරය" යන නමිනුයි. මෙම නොහික්මුණු තත්ත්වයෙන් ශිෂ්ට සම්පන්න හික්මුණු මනුෂ්යයෙකුගේ ("සුපර් ඊගෝ") තත්ත්වයට පරිවර්තනය වීමට තමන් අදහන ආගම ඉතා ප්රයෝජනවත් වන බව බොහෝ මනෝ විද්යාඥයන්ගේ මතය වෙයි.
ආගමක් තුළින් සිදුවන කාර්යයන් අතර,
- මනුෂ්ය සිතුවිලි පාලනය කිරීම, හැඩගැස්වීම හා අර්ථවත් කිරීම
- මිනිස් බුද්ධිය හා චින්තනය සදාචාරවත් කිරීම
- සමාජය තුළ පිළිගත් සාරධර්ම (පුරුෂාර්ථ - ධර්ම ගුණ) ගොඩනැංවීම
- මිනිස් සමාජය යහපත කරා යොමු කරවීම
- යහපත-අයහපත අවබෝධ කරගැනීමට සහය ලැබීම
- මිනිසාගේ ඇතුළාන්තය සොයන විමුක්තිය ළඟාකර දීම
යනාදිය නිසාවෙන් ආගමක් මිනිසාට අවශ්ය වන බව පෙනේ.
ෆ්රොයිඩ්ගේ කතාවට තවත් ඌණ පූරණයක් එකතු කලොත් ෆ්රොයිඩ් දක්වන පරිදි මිනිසාගේ පෞර්ෂයේ ඇතැම් ඌණතා සපුරා ගැනීමේ ආධාරකයක් ලෙස ආගම හා අභිචාර දැක්විය හැකි අතර පූර්ණ පෞර්ෂ මට්ටමක් අතපත් කරගත් පුද්ගලයෙක්ට තව දුරටත් ආගම හෝ අභිචාර අවශ්ය නොවේ.
ReplyDelete